Азийн ТОП 5 хөгжмийн наадмын нэг болох зорилт тавин ажиллаж буй “Playtime Festival 2025” наадам энэ оны 7-р сарын 3-6 хүртэл буюу нийт дөрвөн өдрийн турш “Плэйтайм хүрээлэн”-д болно.

“Playtime Festival 2025” наадмын тасалбарыг хөнгөлөлттэй үнээр авах боломж энэ сарын 24-нд буюу ирэх даваа гарагт дуусах аж. 

Хөнгөлттэй тасалбарыг гурван төрлийн төлбөрийн нөхцөлөөр авах боломжтой бөгөөд www.playtimefestival.com болон албан ёсны тасалбар борлуулагч Shoppy.mn-ээс тасалбараа худалдан авна.

Өдөртөө 20 гаруй мянган үзэгч хүлээн авахаар төлөвлөж буй энэ удаагийн наадамд 20 улс орны 37 хамтлаг, уран бүтээлчид уран бүтээлэээ толилуулах юм. Мөн хөгжмийн болон хөгжмийн бус хөтөлбөртэй 8 тайз, дотоодын хоол үйлчилгээний 200 гаруй ААН, байгууллагууд таныг хүлээж байгаа төдийгүй тус наадам энэ жил нийт 5000 орчим түр ажлын байрыг бий болгох аж. 

Жилээс жилд Playtime Festival улам өргөжиж, цар хүрээгээ тэлэхийг тэмүүлдэг. Playtime тасралтгүй хөгжил, өөрчлөлт, хувьсал дунд явдаг ч ямар ч урсгал жанр, шинэ зүйл хийсэн хамгийн сайныг нь шилж сонгон үзэгчдэд хүргэдэг үндсэн зарчмаасаа хазайгаагүй юм.

Ц.Нацагдорж, “Playtime Festival”-ийн үүсгэн байгуулагч, продюсер, хөгжмийн хөтөлбөр хариуцсан захирал

Наадмын талаар “Playtime Festival”-ийн үүсгэн байгуулагч, продюсер, хөгжмийн хөтөлбөр хариуцсан захирал Ц.Нацагдорж “Жилээс жилд Playtime Festival улам өргөжиж, цар хүрээгээ тэлэхийг тэмүүлдэг. Playtime тасралтгүй хөгжил, өөрчлөлт, хувьсал дунд явдаг ч ямар ч урсгал жанр, шинэ зүйл хийсэн хамгийн сайныг нь шилж сонгон үзэгчдэд хүргэдэг үндсэн зарчмаасаа хазайгаагүй юм” гэв.

Эх дэлхийгээ хайрлах Playtime Festival

earth. music. art. love. 🌏🎶🎨🩵 Энэ бол эх дэлхийгээ хайрлаж буй Playtime Festival-ийн уриа үг болоод утга учир, үнэ цэн нь юм. Тэд энэхүү хөгжмийн наадмыг хүн төрөлхтөн, түүний сайн сайхан, урлаг, соёл, энтертайнмент, байгаль дэлхий, энх тайванд хайр хүндэтгэл үзүүлж, тогтвортой хөгжлийн зорилтын хүрээнд эрүүл амьдралын хэв маягаар, бүтээлч, ногоон байдлаар зохион байгуулахаар зорьж байгаа билээ.